Wednesday, August 15, 2007



!! النهاية !!

بنلف دواير .. و الدنيا تلف بينا
دايما ننتهي .. لمطرح ما ابتدينا
اطيور الفجر تايهه .. في عتمة المدينة بتدور
.. أغنية مناسبة للنهاية ..
و زي ما بدأت تدوين هنهية في يوم من الأيام
كانت نتيتي أنه ينتهي لما أفارق الدنيا
لكن شكل النهاية جت بدري
- دي آخر تدوينة -
دي الأخيرة بس مش عشان أنا مش عايزة أدون أبدا مش هدون عشان أمي مش موافقه
و بما اني اتعودت اقول سمعا و طاعا يا أمي فهقولها و هفضل أقولها لآخر يوم في حياتي
مؤدبة بأه أعمل إيه ؟!!.....و
زعلاااااانة
بس مش ندمانة إني بدأت أدون لإنها كانت تجربة جميلة جدا
لك صعب إني بعد ما اتعلت بالمدونة إني أفرقهاو خصوصا لإنها كانت بدأت تملا فراغ كبير في وقتي و حياتي
فراغ موجود طول الأجازه مش بخرج كتيير عان كل واحدة من صاحباتي في بلد و مش بخرج معحد من العيله لإني أكبر واحدة و مش هخرج مع أطفال
و الفراغ هيمتد حتى لو في الدراسة
ما انا كده كده في البيت و الدروس لوحدي لألماني بس هو اللي بره و قريب من البيت و أكيد مش هقضي اليوم كله مذاكره لازم يكون فيه وقت ترفيه و مش هيكون على الكومبيوتر عشان أنا مش هفتحه من غير نت
أصل مي برضه عايزاني مفتحش الميل تاني بتقولي أصحابك بتكلميهم في التليفون إيه لازمة النت؟
حاضر يا أمي م هفتح النت ولا هلمس الكمبيوتر خالص و م هكلم حد و مش هتعامل مع البشر أساسا
بس لما يجيلي اكتئاب متزعلوش لا مني ولا عليا
بس قولوا كانت بنت باره بوالديها و عمرها ما قالت لهم أبدا
و بكده هكون مرتاحه و عارفه ان كل حاجه معملتهاش عشان خاطركوا و جت بفايده و مرحتش ي الهوا
آسفة
و الودع يا مدونتي الحبيبة

Tuesday, August 14, 2007










!! HAPPY BIRTH DAY !!













كل سنة و انت طيبة يا سمية




و الله يباركلي فيك يا أغلى من عينيا




الله يخليني ليك و أجيبلك الدنيا ديا

ما تصدقيش






شوفي بأه الهدايا




واحدة بنادول إكسترا من اللي كنا بنتشاكل عليها أيام الدراسه



آدي الهدايا المفيدة ولا بلاش



_ سمية مدمنة بنادول _



التانية



شيكولاته جلاكسي عشان الحساسية


أصلي بحبك و خايفة عليكي


التالته

شكلها قريب من البني اللي عندك ذكريات بأه
اللي أنا جايباها أحلى

بس يا رب تطلع حلوة عليكي
مش كفايه انها من زوقي




و ربنا يبارك في عمرك و يكون في طاعة




سلام




Monday, August 13, 2007


!! في حياتي !!


في حياتي التي تزيد عن الخمسة عشر عاما بقليل.. قابلت مشكلات حللت بعضها وهربت من البعض الآخر

و لكن في نهاية الأمر اعبث في شريط ذكرياتي و أخرج بخلاصة تجاربي و أهديها إليكم و أتمنى ان تفيدكم و أن تسعدوا بما قدمت

محدش يصدق البداية دي لإنها لعب عيال

_أولا _

إن كان لديك سر فلا تطلع عليه عير نفسك و ربك

فإن علم الناس سرك ستعلم من وشي بك في الحال

_ ثانيا _

شاهد حياتك و حياة الآخرين و اعلم انكم

متساوون حتى لو لم تدر بذلك

_ثالثا _

لا تبحث عمن يفهمك و عن صديق

فهما سراب في الطريق كلما اقتربت منه يختفي

_ رابعا _

لا تلقي باللوم على أحد غير نفسك إذا أخطأت

فأنت تملك نفسك و قادر على التحكم بها

_خامسا _

لا تبكي على ما فات و ضاع منك فالبكاء لن يعيد الزمن

و لن يعيد ما ضاع منك وانتبه لمستقبلك

_سادسا _

"وحيدة أنا في شاطيء الذكريات أردت حبا يحرك كل كياني لكن لا يدمر لي ما بقي من حياة "

اهدتني صديقة هذه الكلمات و أقول له من المستحيل أن أجده

_ سابعا _

افعل ما تحب و ليس ما يحب غيرك

فأنت مختلف عن الناس و لو تشابهتم في الوجوه

_ثامنا _

لا تعتمد على غيرك في أي عمل

فأنت قادر على القيام به كما هو حاله

_تاسعا _

" الرياح لا تأتي بما تشتهي السفن "

هكذا قيل و هذا ما سمعت و به أيقنت

فلا تتوقع الخير فقط بل توقع معه الشر

_ عاشرا _

حياتك ملك لك

لا تعطها لغيرك

واذكر ربك

ترتاح نفسك و تفوز برضوان الله عليك

_ صفر _

من الممكن ألا يكون هذا صحيحا

فهو خاطرة من وحي القلم

أمسكت به و تركته يصوغ أفكاري

وقد فعل

و أتمنى أن يكون فعله حسن

مع تحياتي

سارة

Sunday, August 12, 2007


~ welcom back ~

عاد إلينا حبيبنا

سينير بيتنا

سيرسم البهجة على وجوهنا

لن يؤرق نومنا بعده

لن أتركه و لن يتركني

سأفديه و لو بروحي

سأقتل من يحاول سلبه مني

فهو ملك لي

أو لأخي

سيقرر هذا أبي

و أتمنى أن يكون الحكم في صالحي

أو أن يبدلني خيرا منه

و لن أرضى بأقل منه

فهو

الموبايل ال

N70

اللي كان مسروق و رجعنااااه

ههههههه

رجع بطريقه غريبه

عن طريق بنت

يا سبحان الله

المهم

أنا عايزه آخد الموبايل ده أو بابا يجيب لي أحسن منه

ادعولي انه يجيب لي احسن منه

ادعوا

ادعوا

ادعوا

و سلااااااام


!! cinema !!







السينما
أغلبية أفلامها مالهاش معني
دي تاني سنه ادخل فيها سينما
شتفت 4 افلام
من البداية
............................
عمر و سلمى
فيلم رومانسي
و مسخرة في حاجات كتيير بس ارحم من كركر
لكن مستغربة من حاجه
هو تامر بك مكانش بردان في الفيلم ده
نفسي اقولو ارحم نفسك و ارحمنا ده الفيلم متصور في الشتا و انت ناسي تلبس التي شيرت بتاعك تلات تربع الفيلم
خلصنا الفيلم الساعة 3
و الصورة بتاعت الافيش على فكره مجتش في الفيلم
الفيلم مالوش قصه ولا معني
عم تامر سمع الشريط بتاعه في الفيلم و اتجوز مي و شطب
تاني فيلم
.....................................
احلام الفتى الطايش
برضه مالوش قصه
ولا معنى
بس حرقة دم عالفلوس اللي بتروح في الهوا
تالت فيلم
..........................
كركر
هتدخل الفيلم تكهره محمد سعد و اللي قالولك اتفرج عليه
مش بيضحك ولا بيخلينا نكركر
ده
هبل
الفيلم مسخرة و قلة أدب و هطل و استعراض احجام عائلية بس
بابا حلف بالله ما احنا داخلين سينما تاني بسببه
و هو عنده حق
بس كله إلا
..........................
كده رضا
بتاع احمد حلمي
فيلم روعه
ادخل بعد 10 دقايق لو عايز تحس انه يستاهل
في البدايه ..... مسخرة شويه
لكن الفيلم يضحك و قصته حلوة جدااااا و
خرجنا من الفيلم برضه الساعه 3
وصلنا بيتنا الساعه 6 الا تلت
صلينا الفجر و نمناااااااا
دي قصتي المختصرة عن السنيما و الصيف
مع تحياتي
siko
صاحباتي هما اللي بيقولوا كده و للأسف صدقت

Thursday, August 9, 2007

و مثلما يقولون.. إن

" حياتي على كف عفريت "



داخلة تانية ثانوي

و مش خايفة

و مش مرعوبة

و مش فرحانة

و مش فاقدة الأمل

عشان سمعت إنها حظوظ
بالبركة يعني
و مش مقتنعة إنها حظوظ
عارفة إن اللي هيذاكر هيلاقي نتيجة تعبة
بس
مفيش بس
هذاكر و اللي يحصل يحصل
ادخل هندسة او حاسبات او تجارة
التلاته مش فارقين معايا
لكن السنة طويلة
و ممله
و انا اتحديت الملل بإني هبدأ دروسي في أول 9
لكن الألماني بدأته ياي
هاخد الدروس لوحدي
و بكدة هيكون الملل زياده عن المحتمل
ربنا يصبرني زي ما صبر ناس كتير
و دعواتكم

المحاكمة ولا الأهلي


!!صباح الخير يا مصر !!





me : .........talk eh el mlal da?

hya: ENTY MSH BTSHOFY EL AHLY ?

me : no . msh btabe3 matshat aslan

hya : ok



ده كان جزء من حواري مع واحدة صاحبتي
شكلها بتحب الأهلي
و بتشجع الكورة الحلوه
!! لكن هسأل سؤال غرييب
لو الناس كانت متابعة المحاكمات العسكرية لشرفاء مصر زي الماتشات كان إيه اللي حصل ؟
مش ممكن كانوا عملوا ثورة و أجبروا المهزلة إنها تقف عند حدها ؟
مش كان ممكن فهموا و راعوا ربنا في حياتهم و قدروا يصلحوا في حال البلد؟
الله أعلم إيه اللي كان ممكن يحصل بس أظن إ ن الحال كان هيكون غير الوقتي خالص
ربنا يفتح عيونهم عالحق
و عيونا إحنا كمان

و سلامي إليكم ختام

سارة

Wednesday, August 8, 2007


!! Just One Week !!

الوقت بيجري زي الصاروخ

معادش غير أسبوع واحد بس و هسااافر يا عالم

هروح بلد الحرمين الشريفين

هروح مكة و المدينة

هدعي و أصلي - م انا اكيد بصلي بس الصلاه في الحرمين غير الصلاه في البيت - و

هشرب مية زمزم

هشوف الكعبة

و خدت عهد على نفسي إني أشوف الحجر الأسود ااسنة دي بس غالبا مش هقول لبابا غير لما ارجع

مممم

بجد أنا متأكدة إني هرجع و حاسة إني أسعد انسانه في الدنيا لإن لما برجع بتكون علاقتي بربنا أحسن من السنة اللي فاتت

و

هجيب موبايل جديد

و هجيب ساعات و اكسسوارات و هدوم و برفيوم و هروق على نفسي

هجيب آيس كريم من باسكن روبنز روعه هناك مش زي اللي في مصر بس ب 17 ريال يعني تقريبا 23 جنيه مصري

من أحسن الحاجات اللي في العمرة الصحبة الجميلة

ناس تشجع على العبادة

مممممم

المهم

إن مصر هتوحشني

وطني .. بلدي .... أهلي .. ناسي .. كول دول مش هشوفهوم 15 يوم

كوك دور هيوحشني جدا

و أصحابي

أظن بس

آه و المدونة الجديدة

و

سلاااااااااااااام

Saturday, August 4, 2007


زهرة في مهب الريح




إحساس مرير .. إحساس الظلم
لما تحسي انك زهرة في مهب الريح
لما تصرخي بأعلى صوتك و محدش يسمعه
لما تستنجدي بأقرب الناس ليكي و تلاقي حبهم سراب
مش مركزه و مش عارفه أكمل
بعدين أكتب
سلاااااااااام


!! BOTTLE !!











يومين .. ،نص الأربع و الخميس و نص الجمعة




كانوا من أجمل أيام حياتي




سافرنا المزرعة عند عمي




أنا و بابا و ماما و اخواتي و نينه و جدو وعمتي و ولادها و عمي و ولاده




كان ناقصنا عمي التاني بس ظرووف اعمل ايه ؟








الجو أحسن من رائع




أوصف لكم المكان

****************

مكان واسع و أخضر اكيد عشان الزرع -ما شاء الله - و




فيه شجرة شكلها عاجبني الزهر بتاعها لونه روز في ابيض و ضلها حلو




و فيه مكان الورد فيه لونه اورانج و ملمسه زي الجلد و روعه




و المكان فيه ريحان و نعناع ف أكيد الريحه بتاعت المكان جميله جدا




و جنبه برج حمام




و فيه نخل بس مش كتير البلح لونه لسه أخضر




فيه نافوره صغنونه العيال ملوها ميه زي حمام السباحه




و فيه مرجيحه اتمرجحنا فيها و ضحكنا كتيييييييير أوي عندها

*******

و فيه فرسه -مهرة- ركبتها و جريت بيا مرتين و كنت هقع و هيا بتلف بس الحمد لله ربنا ستر بجد حلو اوي احساس ركوب الخيل




اخويا الكبير لما ركبها مكانتش راضيه تتحرك و كل شويا تنزل راسها و كان هيقع فقعد ينادي بأعلى صوته




يا عمو يا بتاع الحصان يجي ربع ساعه و احنا اكيد بنضحك على منظره و برضه عمو عبد الغني بتاع الحصان معبروش و لقا نفسه مضطر ينط من على الحصان هههههه والله كانت ايام حلوة




فيه مكان شبه منعزل عنده بير مفيهوش ميه لكن فيه حوض مليان ميه عشان الفرسه تشرب منه




فيه 3 كلاب روز و ركس و ابنهم بس مربوطين عشان الحراسه




فيه نعام




مش فاكره فيه ايه كمان هناك بس مكان روعه و مش هنساه ابدا

.....***********.....

و عن الأيام اللي قضيتها هناك هحكي لكم



اليوم الأول .... اللي هو الأربع


********************

وصلنا بعد المغرب بشويه

بعد السلام و الكلام و الهيصه و تبديل هدوم السفر صلينا

وحكينا عن السفر و الطريق الطويل و التعب و كل الحاجات اللي بتعصب الواحد و هو مسافر زي المطبات اللي بتبهدل العربية

والعيال لعبوا و اتمرجحوا شويه

و وصلنا للسهرة

برضه العيال الصغيرين بيتمرجحوا

و الكبار بيتكلموا و انا محدش أدي

عديت الليله بتفرج على القمر و النجوم شويه و شفت شهابين و بسمع اغاني شويه و قرآن و أدعيه السديس شويه و باقي الوقت يا بعمل شاي يا بتفرج عالحياه



تاني يوووووم الخميس

*******


صحيت بعد الضهر و صليت

سمعت صوت زيزو بيصرخ

نحلة قرصته عااااااااا صعبان عليا


.....



بيب بيب ايه ده ؟ عمتو وصلت

خالد روح افتح البوابة

حاااااضر

............




كنت سامعه الأصوات دي و انا بأكل زياد نعد قرصة النحلة

زيزو اللي كان بيعيط قام جري

يمنى جت يمنى جت و بالأحضان يا حبيبي-والله انا خايفه على الواد من البت دي - ههههههه


سلمت على عمتي و جوزها و الست يمنى و احمد و عبدالرحمن

...و اتغدينا

اه كنت هنسى احم احم انا و بلا فخر لفيت محشي مع نينه هيه هيه هيه

................

و بالليل



لعبنا .... بوتيل .... في حد يلعب البوتيل مع عيلته إلا احنا

بس كانت روعه

الأسئله محرجه

للكبار و الصغيرين

انا الحمد لله لما اتسأبت من بابا كان السؤال .......هو لازم نروح دريم بارك الاسبوع الجاي ؟

و الحمد لله مكانش محرج

لكن الكل اتبهدل

اخواتي و ولاد عمتي و الكبار كمان الاسئله و إجابتها فضحت الكل

.......بس كان فيه سؤال في الجون

مش محرج لكن كلنا حسينا ان احنا عيال وقت الاجابه

السؤال كان ايه هدفك في الحياه؟؟!!

محدش جاوب غير الكبار و عبدالرحمن عياش

بس

يعني كل العيله بلا هدف او المقصود شباب العيله و بناتها اللي انا منهم عايشين كلنا من غير هدف

******

و قضينا الليله حكايات


و اتمرجحنا و جرينا و هيصنا





تالت يوم الجمعه



*********

نمت الساعه 6 الصبح و الساعه 7 لقيت ماما بتقول لي اصحي احنا مروحين

ليه يا أمي ..؟ عشان هي و بابا تعبانين .

. حاضر يا ماما قمت و جهزت لقيت بابا بيقولي ادخلي كملي نوم

ليه يا بابا .. ..؟......

عمو قال انو هيزعل لو مشينا الوقتي عايزنا كلنا نمشي مع بعض عشان الطريق وحش

حاضر يا باب

.....ا

اوففف يادي الأرق نمت على الساعه 8

النوم متقطع عشان الجو حر

صحيت الساعه 12

دايخه و مصدعه و مش شايفه قدامي


.......

ساره ... هاتي الفطار

.. هاتي ميه

هاتي العيش

صحي البنات

ولا اقولك سيبيهم نايمين

اعملي شاي

هاتي عنب

...

و انا تعبانه و لازم اقول حااااااااضر بنت مؤدبه بأه اعمل ايه ؟


دخلت انام في الأوضه التانيه من غير ما حد ياخد باله عشان مش ناقصه أوامر و تجهيز الفطار لكل فرد يقوم من النوم

........

بعد نص ساعه

مصطفى اخويا بيقول لي قومي

ليه ده انا لسه هنام الوقتي سيبني شويه

انا عايز اقعد هنا

حاااااضر

خرجت من الاوضه

فضلت اتمشى شويه في الجنينه

و بعدين حسيت اني هموت لو منمتش

عبد الرحمن قام من النوم

احمدك يا رب ادخل انام باه بدل ما حد يسرق المكان

لكن ده عشم ابليس في الجنه

كل شويه واحد يدخل الاوضه

غسلت وشي عشان افوق و عشان دموعي محدش يشوفها

و الدموع دي دموع الأرق عاااااااا لو منمتش بيكون المود بتاعي كئيب جدا

.....

كل شويه بنت عمتي تسألني بتعيطي ليه ؟؟ عشان منمتش تضحك و تسيبني

عااااااااااااااااااااااا نفسي لما اكون تعبانه حد يحس بيا الكل بيضحك على منظري و تخريفي لما اكون مش نايمه


المهم عشان اخرج من المود اتمرجحت شويه و رزلت شويه على الولاد و ركبت الفرسه و

....

ساره يلا هنمشي

اخيرا يا بابا

و السلام عليكم